35 લાખના તોડનો મામલો: અમદાવાદના મહિલા PSI ત્રણ દિવસના રિમાન્ડ પર

અમદાવાદઃ પોલીસ તપાસ દરમિયાન બળાત્કારના આરોપી પાસે 35 લાખની લાંચની માંગણી કરનારા PSI શ્વેતા જાડેજાને કોર્ટમાં રજૂ કરાયા હતા. પોલીસ દ્વારા મહિલા પીએસઆઈના સાત દિવસના રિમાન્ડ માગવામાં આવ્યા. જોકે, કોર્ટ દ્વારા ત્રણ દિવસના રિમાન્ડ મંજૂર કરવામાં આવ્યા છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

ઉલ્લેખનીય છે કે આ મહિલા PSI ક્રાઇમ બ્રાંચના પશ્ચિમ મહિલા પોલીસ સ્ટેશનમાં ફરજ બજાવી રહ્યા હતા. આ સમય દરમિયાન જાન્યુઆરીમાં મહિલા PSI શ્વેતા જાડેજાને એક હાઈપ્રોફાઈલ કેસની તપાસ સોંપવામા આવી હતી. બે-બે બળાત્કાર કેસની તપાસના આરોપીને મહિલા PSI શ્વેતા જાડેજાએ પોલીસ સ્ટેશન બોલાવી કાયદાકીય ધાક ધમકી આપી હતી. પાસા ન કરાવવા હોય તો પહેલા 20 લાખની માંગણી કરી હતી. આરોપીએ 20 લાખ રૂપિયા આંગડિયા મારફતે ચૂકવ્યા હતા. ત્યાર બાદ ફરી એક વખત મહિલા પીએસઆઈએ 15 લાખની માંગણી કરી હતી.

મહિલા PSI શ્વેતા જાડેજા સામે ક્રાઇમ બ્રાંચમાં ફરિયાદ કરી હતી. જેના આધારે ક્રાઇમ બ્રાંચે ગુરુવારે ફરિયાદ નોંધી મહિલા પીએસઆઈ શ્વેતાની અટકાયત કરીને વધુ તપાસ હાથ ધરી છે.

મહિલા PSI કરી રહ્યા હતા હાઈપ્રોફાઈલ કેસની તપાસ
આ બનાવની વિગત મુજબ મહિલા પોલીસ સ્ટેશનમાં 2013-14માં નરોડા વિસ્તારમાં આવેલી ખાનગી કંપનીના માલિક કેવલ વ્રજમોહન શાહ સામે બે મહિલાએ દુષ્કર્મની ફરિયાદ નોંધાવી હતી. જેમાં એક મહિલા તેમની પી.એ. હતી જ્યારે બીજી મહિલા ઈવેન્ટ ઓર્ગેનાઈજર તરીકે કામ કરતી હતી. આ બે ફરિયદો પૈકી એક કેસની તપાસ મહિલા પોલીસ સ્ટેશન(પશ્ચિમ)ના પીએસઆઈ શ્વેતા જાડેજા પાસે હતી.