રાજકોટઃ 2BHK ફલેટના માલિકને મળ્યું 9.40 લાખનું વીજળી બીલ, ઉડી ગયા હોશ

અમદાવાદઃ લોકડાઉનમાં લોકોની આર્થિક હાલત ખરાબ થઈ છે. ગુજરાત સરકાર વીજ બીલમાં રાહત આપવા માટે યોજના લાવી છે જ્યારે બીજી તરફ વીજ કંપનીઓ મોટા મોટા વીજ બિલ મોકલી રહી હોવાની ફરિયાદો આવી રહી છે. આવી જ એક ઘટના રાજકોટમાં સામે આવી છે. અહીં એક મકાનમાલિકને 2BHK ફ્લેટનું 9.40 લાખનું  વીજબિલ મોકલવામાં આવ્યું. આ જોઈને મકાન માલિકના તો હોશ જ ઉડી ગયા.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

રાજકોટમાં રહેતા ચંદુભાઈ વાઘેલા પરિવાર સાથે 2BHK ફ્લેટમાં રહે છે. સામાન્ય રીતે તેમને PGVCL કંપની તરફથી તેમને લાઈટબિલ 2000 થી 2500 રૂપિયા આવતું હતું પરંતુ આ વખતે તેમને 9.40 લાખ રૂપિયાનું બિલ મળ્યું હતું.

જો કે, આ સમગ્ર મામલે ફરિયાદ થતાં અને વિવાદ થતાં PGVCLએ તાત્કાલીક બિલમાં સુધારી 7743 રૂપિયાનું બિલ કર્યુ. પણ PGVCLની ગંભીર ભૂલ છે. આમ લોકડાઉનના સમયમાં પણ કંપનીએ મનફાવે તેવાં બિલ આપતાં લોકોમાં રોષ ફેલાયો છે.