શું તમે ડોક્ટર કે નર્સ છો? તો આ એરલાઈન્સ આપી રહી છે 25 ટકાનું ડિસ્કાઉન્ટ

નવી દિલ્હીઃ ઈન્ડિગોએ ગુરુવારે કહ્યું કે તેઓ 2020ના અંત સુધી ડોક્ટર અને નર્સને હવાઈ મુસાફરી પર 25 ટકાનું ડિસ્કાઉન્ટ આપે, કેમ કે કોરોના વાયરસ જેવી મહામારીમાં તેઓ આગળ રહીને લડાઈ લડી રહ્યા છે. એરલાયન્સે એક પ્રેસનોટમાં કહ્યું, ‘નર્સો અને ડોક્ટરોએ ચેક-ઈન સમયે પોતાની ઓળખ તરીકે હોસ્પિટલનું ઓફિશિયલ આઈડી કાર્ડ દેખાડવાનું રહેશે.’ ઈન્ડિગોએ આ યોજનાને ‘ટફ કુકી’ અભિયાન નામ આપ્યું છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

તેમણે કહ્યું ‘ઈન્ડિગોની વેબસાઈટ પર ટિકિટ બુક કરતા સમયે ડિસ્કાઉન્ટ મળશે. આ ડિસ્કાઉન્ટ એક જુલાઈ 2020થી 31 ડિસેમ્બર 2020 સુધીની મુસાફરી માટે આપવામાં આવશે.’ લોકડાઉનના બે મહિના બાદ 25 મેના રોજ ફરી ડોમેસ્ટિક ફ્લાઈટ ફરી શરૂ કરવામાં આવી છે. તેમાં પણ ઓછા લોકો મુસાફરી કરી રહ્યા છે.

મંત્રી હરદીપ સિંહ પુરીએ ગુરુવારે ટ્વીટર પર કહ્યું કે એક જુલાઈએ 71,471 મુસાફરોએ 785 ફ્લાઈટમાં મુસાફરી કરી. તેનો બુધવારે એક વિમાનમાં એવરેજ 91 લોકોએ મુસાફરી કરી. સામાન્ય રીતે A320 વિમાનમાં 180 સીટ હોય છે.