કાળમુખું 2020 : સુશાંતથી લઈને ઈરફાન ખાન, 6 મહિનામાં આપણે ગુમાવ્યા 47 સેલેબ્સ

અત્યંત ખરાબ જઈ રહ્યું છે 2020નું વર્ષ

6 મહિનામાં 47 સેલેબ્સને ગુમાવ્યા

2020નું અડધું વર્ષ વિતી ગયું છે અને આમાં ફક્ત ખરાબ સમાચારો જ મળી રહ્યા છે. એન્ટરટેઈનમેન્ટ ઈનસ્ટ્રી માટે તો આ વર્ષ અત્યંત ખરાબ સાબિત થયું છે. 6 મહિનાની અંદર ઈન્ડસ્ટ્રીએ 47 સેલિબ્રિટિઝ ગુમાવી દીધાં છે. કેટલાક બીમારીથી તો કેટલાક અચાનક દુનિયાને અલવિદા કહી ગયા છે. એક પછી એક મળનારા ખરાબ ન્યૂઝથી સિનેમા રસિકોની સાથે-સાથે આખો દેશ આઘાતમાં છે.

લોકોના માનીતા સ્ટાર્સથી લઈને મોટા એસ્ટ્રોલૉજર્સ સુધી, આ વર્ષે ભારતે બહુ બધા સેલેબ્સને ગુમાવ્યા છે. અહીં એવા જ કેટલાક સેલેબ્સના નામ છે જેમને આપણે 2020માં 6 મહિનાની અંદર ગુમાવી દીધાં છે. આમાંથી મોટાભાગના સેલેબ્સ કાર્ડિયાક અરેસ્ટ અને સુસાઈડથી મોત પામ્યા છે. કેટલાકના મોત કેન્સરને કારણે પણ થયા છે.

સુશાંત સિંહ રાજપૂત

સુશાંત સિંહ રાજપૂત

14 જૂનના રોજ બોલિવૂડના જાણીતા એક્ટર સુશાંત સિંહ રાજપૂતે પોતાના એપાર્ટમેન્ટમાં આત્મહત્યા કરી લીધી. તેના ફેન્સ અને પરિવારના લોકો ખૂબ આઘાતમાં છે. પોલીસ પણ આ કેસની તપાસ કરી રહી છે.

ચિરંજીવી સર્જા

ચિરંજીવી સર્જા

કન્નડ એક્ટર ચિરંજીવીનું 39 વર્ષની ઉંમરમાં કાર્ડિયાક અરેસ્ટના કારણે મોત થઈ ગયું. તેની પત્ની મેઘના રાજ પ્રેગ્નેન્ટ છે.

વાજિદ ખાન

આ વર્ષે મ્યૂઝિક કમ્પોઝર સાજિદ-વાજિદની જોડી પણ તૂટી ગઈ. 1 જૂનના રોજ 47 વર્ષની ઉંમરે વાજિદ કાર્ડિયાક અરેસ્ટના કારણે અવસાન પામ્યા.

મેબિના માઈકલ

રિયાલિટી ટેલિવિઝન શો વિનર મેબિના માઈકલ 26 મેના રોજ એક્સિડન્ટનો શિકાર બની. માત્ર 22 વર્ષની ઉંમરમાં જ તેનું મોત થઈ ગયું.

પ્રેક્ષા મહેતા

‘ક્રાઈમ પેટ્રોલ’ એક્ટ્રેસ પ્રેક્ષા મહેતાએ મે મહિનામાં આત્મહત્યા કરી લીધી. તેની ઉંમર માત્ર 25 વર્ષની હતી.

રિષિ કપૂર

રિષિ કપૂર

હિન્દી સિનેમાના દિગ્ગજ એક્ટર રિષિ કપૂરનું કેન્સરના કારણે 30 એપ્રિલના રોજ અવસાન થઈ ગયું.

ઈરફાન ખાન

ઈરફાન ખાન

રિષિ કપૂરના નિધનના એક દિવસ પહેલા જ ઈન્ડસ્ટ્રીએ એક મહાન એક્ટર ઈરફાન ખાનને ગુમાવી દીધા. તે છેલ્લા 2 વર્ષથી ન્યૂરોએન્ડોક્રાઈન ટ્યૂમરથી લડી રહ્યા હતા.

ડૉક્ટર સેતુરમન

Kanna Laddu Thinna Aassiya જેવી કૉમેડીમાં જોવા મળેલા તમિલ એક્ટર અને ડર્મેટોલૉજિસ્ટ, સેતુરમન 36 વર્ષની ઉંમરમાં કાર્ડિયાક અરેસ્ટનો શિકાર થઈ ગયા અને તેમનું અવસાન થયું.

નિમ્મી

બોલિવૂડની લેજેન્ડરી એક્ટ્રેસ નિમ્મીનું 87 વર્ષની ઉંમરમાં અવસાન થઈ ગયુ. તેમને હેલ્થ સાથે જોડાયેલી સમસ્યાઓ હતી.

વેન્ડેલ રૉડ્રિક્સ

આ વર્ષે ફેબ્રુઆરીમાં ડિઝાઈનર વેન્ડેલ રૉડ્રિક્સનું 59 વર્ષની ઉંમરે અવસાન થઈ ગયું. તેમને 2014માં પદ્મશ્રીથી સન્માનિત કરવામાં આવ્યા હતા.

સેજલ શર્મા

‘દિલ તો હૈપ્પી હૈ જી’ની એક્ટ્રેસ સેજલ શર્માએ જાન્યુઆરીમાં સુસાઈડ કરી લીધું હતું.

યોગેશ ગૌડ

જાણીતા લિરિસિસ્ટ યોગેશ ગૌડે 77 વર્ષની ઉંમરે મે મહિનામાં દુનિયાને અલવિદા કહ્યું. તેમણે ‘જિંદગી કૈસી હૈ પહેલી’ અને ‘કહી દૂર જબ દિન ઢલ જાયે’ જેવા ગીતો લખ્યા હતા.

મોહિત બઘેલ

સલમાન ખાનની ફિલ્મ ‘રેડી’માં દેખાયેલો મોહિત બઘેલ પણ મે મહિનામાં અવસાન પામ્યો. રાઈટર-ડિરેક્ટર રાજ શાંડિલ્ય અનુસાર તેને કેન્સર હતુ.

મનમીત ગ્રેવાલ

‘આદત સે મજબૂર’ અને ‘કુલદીપ’માં એક્ટિંગ કરી ચૂકેલા મનમીત ગ્રેવાલે માર્ચમાં સુસાઈડ કરી લીધું. તેની ઉંમર માત્ર 32 વર્ષની હતી.

સચિન કુમાર

‘કહાની ઘર ઘર કી’માં એક્ટિંગ કરી ચૂકેલા સચિનનું મે મહિનામાં કાર્ડિયાક અરેસ્ટને કારણે અવસાન થયું હતું.

સઈ ગુંડેવર

‘રૉક ઑન’, ‘પીકે’ અને ‘બાજાર’ જેવી ફિલ્મોમાં કામ કરી ચૂકેલા સઈ ગુંડેવર મે મહિનામાં કેન્સરને કારણે અવસાન થઈ ગયું. તેની ઉંમર 42 વર્ષ હતા.

શફિક અંસારી

‘ક્રાઈમ પેટ્રોલ’માં કામ કરી ચૂકેલા શફીક અન્સારીનું 10 મેના રોજ અવસાન થઈ ગયું. તે કેન્સર સામે ઝઝૂમી રહ્યા હતા.

ત્રિદિબ ઘોષ

પૉપ્યુલર ફોક થિએટર એક્ટર ત્રિબિદનું 68 વર્ષની ઉંમરે અવસાન થયું.

ગોપાલકૃષ્ણન

તમિલ એક્ટર ગોપાલકૃષ્ણનનું ફેબ્રુઆરીમાં કાર્ડિયાક અરેસ્ટના કારણે મોત થયું. તેઓ 54 વર્ષના હતા.

જમીલા મલિક

મલયાલમ એક્ટ્રેસ જમીલા મલિકનું 28 જાન્યુઆરીના રોજ નિધન થયું. તેઓ 73 વર્ષના હતા.

જૉન કોટ્ટોલી

‘મનુ’ અને ‘ફલકનુમા દાસ’ જેવી ફિલ્મમોમાં કામ કરનારા જૉનનું જાન્યુઆરીમાં કાર્ડિયાક અરેસ્ટને લીધે મોત થયું.

એ એલ રાઘવન

પોપ્યુલર તમિલ સિંગર એ એલ રાઘવનનું કાર્ડિયાક અરેસ્ટને કારણે મોત થયું હતું.

કે આર સચિદાનંદ

મલયાલમ ડિરેક્ટર કે આર સચિદાનંદનું જૂનમાં અવસાન થયું.

કૂલાથૂર ભાસ્કરન નૈયર

મલયાલમ પ્રૉડ્યૂસર કૂલાથૂર ભાસ્કરનું 15 જૂનના રોજ અવસાન થયું. તેઓ 83 વર્ષના હતા.

પદ્મજા રાધાકૃષ્ણન

કેરલના લિરિસિસ્ટ, આર્ટિસ્ટ અને પેઈન્ટર પદ્મજા રાધાકૃષ્ણનનું ગત સોમવારે 68 વર્ષની વયે અવસાન થઈ ગયું.

તેજસ પર્વતકાર

એક્ટર તેજસ પર્વતકાર વેબ શો મુંબઈ ડાયરીઝ 26/11માં જોવા મળ્યો હતો. તેનું 41 વર્ષની વયે અવસાન થઈ ગયું.

જગેશ મુકાતી

જગેશ મુકાતી

પૉપ્યુલર એક્ટર જગેશ મુકાતીનું જૂનમાં અવસાન થઈ ગયું. તેમને શ્વાસ સાથે જોડાયેલી સમસ્યા હતી.