રાજકોટઃ ફી માટે દબાણ કરનારી મોદી સ્કુલને 2 લાખનો દંડ ફટકારાયો

રાજકોટઃ લોકડાઉનને કારણે છેલ્લા 3 મહિનાથી શાળા કોલેજો બંધ છે. નવું શૈક્ષણિક સત્ર હજુ શરૂ થઈ શક્યું નથી. આવી સ્થિતિમાં રાજકોટની મોદી સ્કુલ દ્વાર વાલીઓ પાસે વારંવાર ફીની ઉઘરાણી કરવામાં આવતી હતી. આ અંગે શિક્ષણાધિકારીને ફરિયાદ કરતા મોદી સ્કુલને 2 લાખનો દંડ ફટકારવામાં આવ્યો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

લોકડાઉનને કારણે લોકોની આર્થિક સ્થિતિ નબળી પડી છે. શાળાઓ બંધ હોવા છતા વાલીઓ પાસેથી ફીની ઉઘરાણી કરવામાં આવી રહી હોવાની ફરિયાદ આવી રહી હતી. માહામારીને ધ્યાનમાં રાખીને સરકારે આદેશ આપ્યો હતો કે કોઈ પણ શાળાઓ વાલીઓ પાસે ફીની ઉઘરાણી નહીં કરી શકે તેમજ તેમને ફી ભરવા માટે પૂરતો સમય આપવામાં આવે.

તેમ છતાં રાજકોટની મોદી સ્કુલ દ્વારા વાલીઓ પર ફી ભરવા માટે વારંવાર દબાણ કરવામાં આવતું હતું. આ અંગે વાલીઓ દ્વારા DEOને ફરિયાદ કરવામાં આવી હતી. આ બાબતે તપાસના આદેશ આપવામાં આવ્યા હતા. તપાસ દરમિયાન સામે આવ્યું કે શાળા સંચાલકો ફી માટે દબાણ કરી રહ્યા છે. જેથી શિક્ષણ અધિકારીએ મોદી સ્કુલને 2 લાખ રૂપિયાનો દંડ ફટકાર્યો છે. તેમજ સાથે એવું પણ કહ્યું છે કે તેઓ હવે આ રીતે વાલીઓ પર ફી માટે દબાણ નહીં કરી શકે.