106 વર્ષના વૃદ્ધ દીકરા પહેલા કોરોનાને હરાવીને સ્વસ્થ થયા, ડોક્ટર્સ આશ્ચર્યમાં પડ્યા

106 વર્ષના દાદાએ કોરોનાને હરાવ્યો

નવી દિલ્હીઃ દેશની રાજધાનીમાં 100 વર્ષથી મોટી ઉંમરના એક વૃદ્ધએ હાલમાં જ કોવિડ-19ને હરાવીને પોતાના દીકરા કરતા પણ વધુ ઝડપથી સ્વસ્થ થયા છે. તેઓ 1918માં ફેલાયેલા સ્પેનિસ ફ્લૂ સમયે 4 વર્ષના હતા. તેમના દીકરાની ઉંમર લગભગ 70 વર્ષ છે. ડોક્ટરોએ જણાવ્યું કે, 106 વર્ષના દર્દીને હાલમાં કોરોનાથી સાજા થયા બાદ રાજીવ ગાંધી સુપર સ્પેશ્યાલિટી હોસ્પિટલમાંથી રજા અપાઈ. કોરોના વાયરસથી સાજા થયા બાદ હોસ્પિટલમાંથી તેમની પત્ની, દીકરા અને પરિવારના અન્ય સદસ્યોને પણ રજા આપી દેવાઈ છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

દીકરા કરતા જલ્દી સ્વસ્થ થયા વૃદ્ધ

એક સીનિયર ડોક્ટરે જણાવ્યું કે, તે દિલ્હીમાં કોરોનાના પહેલા દર્દી છે, જેમણે આ પ્રકારની મહામારી સ્પેનિસ ફ્લૂનો 1918માં પણ સામનો કર્યો હતો. સ્પેનિસ ફ્લૂએ સમગ્ર દુનિયામાં તબાહી મચાવી હતી. તેઓ માત્ર કોરોનાથી સાજા નથી થયા પરંતુ તેમના દીકરા કરતા પણ ઝડપથી સાજા થયા. તેમનો દીકરો પણ ખૂબ વૃદ્ધ છે.’ સ્પેનિસ ફ્લૂની મહામારી દુનિયામાં 102 વર્ષ પહેલા આવી હતી અને તે સમયે દુનિયાની એક તૃતિયાંશ વસ્તી પ્રભાવિત થઈ હતી.

સ્પેનિશ ફ્લૂથી લાખો લોકોના મોત

અમેરિકન ડિસીઝ કન્ટ્રોલ કેન્દ્ર મુજબ, હાલના ઈતિહાસમાં 1918ની મહામારી સૌથી ખતરનાક હતી. આ H1N1 વાયરસના કારણે ફેલાઈ હતી. તેનાથી માત્ર અમેરિકામાં જ ઓછામાં ઓછા 6.75 લાખ લોકોના મોત થયા હતા. ભારતમાં મનાય છે કે પ્રથમ વિશ્વ યુદ્ધથી પાછા આવેલા સૈનિકો દ્વારા વાયરસ સાથે આવ્યો. માનવામાં આવે છે કે દુનિયામાં આ મહામારીથી જેટલા મોત થયા, તેના પાંચમા ભાગ બરાબરના ભારતમાં થયા હતા.

આશ્ચર્યમાં ડોક્ટર

રાજીવ ગાંધી સુપર સ્પેશ્યાલિટી હોસ્પિટલના ચિકિત્સક 100 વર્ષથી મોટી ઉંમરના વ્યક્તિના ઝડપથી કોરોના વાયરસને હરાવવાના કારણે આશ્ચર્યમાં છે કારણ કે સંક્રમણના કારણે તેમને ખતરો વધારે હતો. એક વરિષ્ઠ ચિકિત્સકે કહ્યું, અમે નથી જાણતા તેઓ સ્પેનિશ ફ્લૂથી પ્રભાવિત થયા હતા કે નહીં. તે સમયના દસ્તાવેજોને અમે વધારે નથી જોયા અને જ્યાં સુધી દિલ્હીની વાત છે તો તે સમયે ઘણી ઓછી હોસ્પિટલો હતી. આ આશ્ચર્યજનક છે કે 106 વર્ષના વ્યક્તિએ જીવવાની ઈચ્છા દર્શાવી છે.