કોરોના: અમેરિકાએ પાકિસ્તાનને દાન કર્યા 100 વેન્ટિલેટર

પાકિસ્તાનમાં કોરોના વાયરસના વધી રહેલા કેસને ધ્યાનમાં રાખતા અમેરિકાએ પાકિસ્તાનને કુલ 100 વેન્ટિલેટર દાન કર્યા છે. અમેરિકાએ કુલ 30 લાખ ડોલરની કિંમતના 100 વેન્ટિલેટર પાકિસ્તાનને દાનમાં આપ્યા છે. અમેરિકા તરફથી પાકિસ્તાનને એકદમ નવા અને આધુનિક વેન્ટિલેટર દાન કરવામાં આવ્યા છે. તારીખ 2 જુલાઈના રોજ આ વેન્ટિલેટર પાકિસ્તાનના કરાચી પહોંચ્યા છે, પાકિસ્તાનની વિવિધ હોસ્પિટલ્સમાં આ વેન્ટિલેટર પહોંચાડવામાં આવશે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

પ્રાપ્ત માહિતી મુજબ અમેરિકાના પ્રેસિડેન્ટ ડોનાલ્ડ ટ્ર્મ્પની ઉદારતા હેઠળ આ વેન્ટિલેટર પાકિસ્તાનને દાન કરવામાં આવ્યા છે. કોરોના વાયરસની મહામારી સામેની લડતમાં તેઓ પાકિસ્તાનની મદદ કરી રહ્યા છે. અમેરિકામાં તૈયાર થયેલા આ 100 વેન્ટિલેટરની કિંમત લગભગ 30 લાખ અમેરિકન ડોલર છે અને તેમાં આધુનિક ટેક્નોલોજીનો ઉપયોગ કરાયો છે. આ વેન્ટિલેટરની મદદથી પાકિસ્તાનમાં કોરોના વાયરસના દર્દીઓનો ઈલાજ કરવામાં મદદ મળશે.

કોરોના વાયરસની મહામારી સામેની લડાઈમાં અમેરિકા પાકિસ્તાનની સાથે ઊભું છે. પાકિસ્તાનમાં અત્યાર સુધીમાં કોરોના વાયરસના કુલ 221,896 કેસ નોંધાયા છે અને કુલ 4,551 લોકોના કોરોનાને કારણે મોત થયા છે. જ્યારે પાકિસ્તાનમાં કોરોનાના કુલ 113,623 દર્દીઓ સાજા થઈ ગયા છે. પાકિસ્તાને થોડા દિવસ પહેલા એવી જાહેરાત કરી હતી કે તેઓ દેશમાં જ વેન્ટિલેટર તૈયાર કરી રહ્યા છે. ત્યારે હવે એવું જાણવા મળ્યું છે કે અમેરિકાએ 30 લાખ ડોલરની કિંમતના 100 વેન્ટિલેટર પાકિસ્તાનને દાન કર્યા છે.