અમદાવાદઃ સોનાનો ભાવ ઓલ ટાઈમ હાઈ પર, 10 ગ્રામના 50675

અમદાવાદઃ કોરોનાની સ્થિતિમાં દેશભરમાં ધંધા-વેપાર ઠપ થયા છે ત્યારે સોના-ચાંદીની કિંમતમાં મોટો ઉછાળો જોવા મળી રહ્યો છે. ગુજરાતમાં આજે સોનાનો ભાવ ઓલ ટાઈમ હાઈ 50675 રૂપિયા છે. ચાલુ વર્ષના પ્રથમ છ મહિના દરમિયાન સોનાના ભાવમાં 23 ટકાનો વધારો જોવા મળ્યો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા અહીં ક્લિક કરો

સોનાનો ભાવ ફરી એક વખત 50 હજાર ઉપર પહોંચી ગયો છે. બે દિવસમાં સોનાના ભાવમાં 800થી 1000 રૂપિયાનો વધારો આવ્યો છે. કોરોના વાયરસને કારણે સોના-ચાંદીના માર્કેટમાં ભારે મંદી ચાલી રહી છે જ્યારે બીજી તરફ તેની કિંમતોમાં ઉછાળો જોવા મળી રહ્યો છે.ચાંદીમાં પણ આજે  રૂ. 2200નો વધારો થયો હતો. અમદાવાદમાં ચાંદી કિલો દીઠ રૂ. 51,200ની સપાટીએ પહોચી હતી

અમદાવાદ સોના-ચાંદી બજારમાં 1 જાન્યુઆરી 2020ના રોજ સોનું 10 ગ્રામ દીઠ 40300 રૂપિયાની સપાટીએ હતું જે આજે 30 જૂનના રોજ 50200ની સપાટીએ બંધ રહ્યું હતું.