ઈતિહાસમાં પહેલી વખત 1 જુલાઈના રોજ બધી જ ટ્રેનો સમયસર પહોંચી

ભારતીય રેલવેએ પહેલી વખત બનાવ્યો એક અનોખો રેકોર્ડ. ઈતિહાસમાં પહેલી વખત 1 જુલાઈના રોજ 100 ટકા ટ્રેન સમયસર ચાલી. ટ્રેનો સમયસર ચાલવાનો પાછળનો રેકોર્ડ 23 જૂન 2020નો હતો. ત્યારે 99.54 ટકા ટ્રેન સમયસર ચાલી હતી. એવામાં આ રેલવે માટે મોટી ઉપલબ્ધી હોવાનું માનવામાં આવી રહ્યું છે. જોકે કોરોનાને કારણે હાલ અનેક રેગ્યુલેર ટ્રેન ચાલું નથી. રેલ મંત્રી પીયૂષ ગોયલે ટ્વીટ કરીને આ માહિતી આપી હતી. ગોયલે કહ્યું, ‘ટ્રેન ફાસ્ટ લેનમાં ચાલી રહી છે રેલવે પોતાની સેવાઓમાં સુધારો લાવી રહી છે’